O loo i se tulaga faaletonu si tagata lea na aafia i se faalavelave i se fale toleni poo le Gym i Brisbane.
Fai mai le lipoti o si alii e 30 tausaga sa toleni ai i le gym Snap Fitness i Spring Hill ae aafia ai ina ua pa’ū iai i luga se tasi o meatoleni ma faavave atu loa iai paramedics mo togafitiga.
Fai si tigaina o manuaga ma loo faatalia se isi lipoti mai le falemai. O se mataupu ua toe fafagu ai ma se faamanatu i le atunuu ma tagata toleni ia faamautinoa le saogalemu i nofoaga faapea ona o nai faaletonu laiti e ono telē sona aafiaga i le soifua.
O loo faatalia se faamatalaga mai le pulega a le gym lea i le tulaga ua tulai mai.
