E silia ma le 5 miliona tagata o le a faaopoopo tupe ia latou taga pe a faatauunu le siitaga o nisi o fesoasoani a le malo mo i latou e faaauala ane i penisiona ma fesoasoani i le aumautotogi pe a faamamalu ia siitaga i le aso 20 o le masina nei.
O i latou e maua penisiona a le aumatutua, penisiona mo i latou e iai aafiaga tumau, peimeni mo i latou e tausia tagata, o le a siitia uma ma o le a maua ai se faamāmā avega i le tau o le soifuaga.
O le a siitia foi le Commonwealth Rent Assistance i le 10 pasene.
O se tasi o lipoti mai le 9News i le aso ua ta’ua ai afai ae faamamalu ia suiga lona uiga o le tagata e maua le Disability Support pension ma le Carer payment o le a oo atu i le $1114 e maua e tagata ta’ito’atasi ae mo se ulugalii e ta’i $862 a le tagata.
O le siitaga i le tupe faaopoopo mo le rent e amata faamamalu i le aso 10 o le masina nei.
O le a siitia foi le tupe e maua e le tagata saili galuega poo jobseekers.
Puna o Faamatalaga: https://www.9news.com.au/national/five-million-people-to-receive-more-cash-indexation-and-rent-assistance-boost/e0374433-98a9-45ef-aed4-73bca4134745
