E tulaga ese foi lipoti o se faalavelave na tulai mai i Kalaiesetete i le vaiaso nei na loka ai se tasi o aoga, tapunia ai nisi o highways ma faaleagaina ai se tasi o malae taaalo ona o gaioiga a le au solitulafono fai mai e aofia ai ma ni tamaiti tai 12 tausaga le matutua.
E toatolu i latou ia e talitonuina na faatinoina le tulaga lea i le aso ananafi fai mai na faatino i le va o le pitonuu o Sumner ma Heathcote na agai ane ai i se taavale na alu i le itu sese o le alatele i le Northern motorway. Tolu itula talu ona faatino e le toatolu lea a latou gaioiga faasolitulafono ae maua loa e leoleo. O le itu e faafetai ai ona e leai se soifua na aafia. O
leisi toalua o leisi e 12 tausaga ma leisi e 18 tausaga ua i lalo o le taofiga a leoleo. Na faasolo a latou faiga i luga o se tasi o malae taalo na faaalu solo ai le taavale ma faaleagaina ai, sola ese le avetaavale ma sue e leoleo.
O loo faatalia le taimi e tutulai ai i le faamasinoga i Kalaiesetete.
