Ua suesue nei e le tamaitai palemia pe faaletulafono le auala ua sau ai le tamaititi 15 tausaga I le malaga a le au tipoti mai Ausetalia
O le vaiaso talu ai lea na taunuu mai ai le faigamalaga mai Ausetalia na aumai ai le toatele o le au tipoti, ma o loo filo mai ai ma le tamaititi 15 tausaga
O le aoauli ananafi faatoa mautala ai le tamaitai palemia, Jacinda Ardern ma ua faaalia ai lona faanoanoa I le faaiuga
Ua sau ai ma fesili poo fea sona aiga, ae pe na tipoti eseese mai
Ua faailoa mai ai e le Oranga Tamariki o loo galulue nei ma pulega eseese I Ausetalia faapea Niu Sila nei I auala e lagolago ai lea tamaititi ma lona taunuu mai I totonu o le atunuu
Ua faamaonia mai ai foi o loo faanofoesea nei I nofoaga o loo faanofoesea ai tagata mai fafo
Ripoti a le Stuff, o lea tamaititi 15 tausaga o le uluai tamaititi lea o lea matua ua tipoti mai Ausetalia
Ua faatalosaga ai e le tamaitai palemia le suesue o lenei mataupu
