O se talosaga a le Loia Sili ma le Vaega faaupufai e Puipuia le Aiā Tatau o tagata na tuuina atu i luma o le faamasinoga maualuga ina ia toe tuu ai i tua le iloiloina o le tagi a le FAST faasaga i le malelega a le Ao o le Malo i le Aso Gafua 17 o Me na teena e le afioga i le Faamasino Sili Satiu Simativa Perese.
O lea mataupu sa fuafua e valaau i le asō peitai ona o lea ua toe tuu atu i le aso a taeao Aso Faraile 14 o Me 2021.
Taua e Satiu “o lenei mataupu ua i luma o le faamasinoga e fai sina taua tele ma e tatua lava ona maua vave se faaiuga ae lei oo Samoa i le isi faigapalota fou o loo fuafua mo le Aso 21 o Me.”
O le aotelega atoa o lenei mataupu o le a maua mai i le Aso a taeao i le itula e 9 ma o le a iloa foi i lea aso le iuga e aga’i ai Samoa i le ono toe fai o se faigapalota pe leai.
O le Aso Lulu 19 o Me lea e fuafua e fai ai palota muamua a le atunuu poo le pre-polling ma e tatau ona maua se iuga a le faamasinoga maualuga e lei oo i lea tulaga.
