O Sini lea o le a talimalo i le fonotaga a taitai o le Quad i le tausaga nei 2023, le Quad leaders summit ma o le a asiasi mai ai ma le Peresetene o le malo tele o Amerika, o Joe Biden.
Ua folafola mai e le Palemia Albanese o le fonotaga o le a faia i le aso 24 o Me.
Faaopoopo atu ia Biden o le a aofia ai foi ma le Palemia o Initia o Narendra Modi, ma le Palemia o Iapani o Fumio Kishida.
Saunoa Albanese e lagona le faagaeetia e avea ma host pe talimalo i le uluai fonotaga a le Quad ua faia mai i Ausetalia, i Sini.
O le Sydney Opera House o le a faataunuu ai lea fonotaga ma o le a iai foi ma nisi o faaaliga tāua e faia i le taimi lea e faailoa atili ai le matagofie o Ausetalia.
