E to’alua tagata maliliu anapo i luga o le alatele, ma o se tasi o nei faalavelave o lea na ‘afa ane lava le 6 i le taeao o loo poloka ai pea ma auala.
O le faalavelave muamua matuiā na tupu i luga o le motorway i Saute o Aukilani, ma e to’atasi lea ua maliu ai, ma isi tagata o loo tigaina nei i le falema’i.
Faalavelave lenei na tupu i le te’a o le 2 i le vaveao ma mai lea taimi e oo mai i le te’a o le 6 i le taeao nei, na aafia ai ma feoa’iga i luga o le motorway i Saute ona o lea sa tapunia.
Faamaonia mai ai foi e leoleo, o lē ua uma lona soifua, o lea na maliu ai lava i lea nofoaga, a o isi o lea na faanatinati atu i falema’i a Aukilani faapea Middlemore.
Ae mo le isi lea e to’alua iai tagata matutua, o lea na so’a e le taavale a o savali ai i luga o le alatele.
Na uma ai foi ma lona soifua i lea lava taimi, ma o loo faasolo pea su’esu’ega a leoleo i faalavelave uma nei e lua.
Puna o Faamatalaga: Two fatal incidents on Auckland Motorways overnight | Stuff
