E toatele tagata Niu Sila o loo lagolagoina le faatulai ese o le faipule ia Darleen Tana mai le Palemene.
O le masina talu ai lea na tuli ai e le pati a le Greens ia Tana peitai o lea lava e faatalanoa le taumafai o le pati ia faaaogā le tulafono o le waka-jumping e faamuta ai lona iai i le Palemene.
O se faai’uga ua iai ona o le aafia atu ai o le faipule i faiga faasolitulafono o loo tuua’ia ai le pisinisi a lona toalua.
A o faia ai suesuega nei ma talanoaga i le maota, o lea na tuufaatasia ai e le Curia Market Research le palota ma maua ai o le 62% o le tasi afe tagata na fesiligia o loo lagolagoina le gaioiga a le Greens lea o le a faaaogā ai le tulafono o le waka-jumping.
E 16% tagata na leai ma le 23% e lē o mautinoa.
O tagata na palota o lea na fesiligia i le va o le Aso Tofi o le vaiaso talu ai ma le Aso Gafua o le vaiaso nei.
Puna o Faamatalaga: Poll shows support for using law to oust Darleen Tana from Parliament | RNZ News
