O faamatalaga i luga o upega tafailagi ma fesootaiga faaonaponei faapea faasalalauga ma saunoaga a taitai o se Mālō o le a mafai ona siaki le moni atoatoa pe a faatuina se fesootaiga ua taua o le Fact Checking Network o le a aofia ai Samoa ma isi atunuu o le Pasefika.
Ua maea se aoaoga mo nisi o tusitala sinia i le atunuu ua faaupega ai i tomai e faatino ai lea auaunaga ai faagasolo ai tapenaga mo le faatuina o se auaunaga faapea i Samoa o le a siaki ma suesue lelei ai no faamatalaga e maua ai le moni atoatoa poo le maua ane e tau faasēsē ni saunoaga ma ni faasalalauga.
O se auaunaga faapenei i le malo o Amerika ua matuā vailiili ai faamatalaga e faasalalau ua galulue faatasi ai ma le polokalame fesoasoani a le Mālō o Ausetalia le PACMAS o se polokalame o loo autu i le siitia o auaunaga tau faasalalau ma galuega tusitala i le Pasefika. Ua soosoo tauau lenei polokalame ma le faia o aoaoga mo tusitala sinia ina ia mafai ona faagaioi se tautua faapenei i le Pasefika.
O le tele o tala feavea’i i le Facebook faatatau i le vailaau o le tui puipui o le Koviti19 ma isi lava faamatalaga tau faasese ua ta’ita’i ai ma mafaufau o nisi tagata ae e lē moni.
O le mafuaaga tonu lea o lenei taumafaiga ina ia maua ai le moni ma le sagatonu o ni faamatalaga e faasalalau.
