Ua faaalia le le fiafia o le faaulu o le faalapotopotoga o le soifua maloloina I le lalolagi, World Health Organisation I le teena e Saina o le ulufale o ana saienitisi
O lea ua maea feutagai le faalapotopotoga a le soifua maloloina ma le faigamalo a Saina e tusa ma le agai atu o nei saienitisi e suesue pe moni o Wuhan lea na fanau mai ai le vairusi
Tala a le 1 News o lea sa matuai iai le talitonuga maualuga o le faaulu o le WHO, Tedros Adhanom Ghebreyesus o lea ua maea talia visa malaga faapea isi faagaioiga o pepa e Saina e mafai ai ona faagasolo lenei faigamalaga aemaise o suesuega
O saienitisi ua faimalaga atu I Saina e le tasi se atunuu e malaga mai ai, ma ua saunoa Tedros o lea ua fesootai atu I se tasi sui sinia I Saina e le o faalauiloaina ina ia vave ona maua se tali mo le aumalaga O Saina ma lona malo o loo matuai tutuai e taofiofi suesuega o loo faia I totonu o Wuhan faatatau I le Koviti e tusa ma ripoti mai atunuu mamao
