Ua faailoa mai e le malo o le a faavavevave galuega o le auala fou o loo faia i le va o Aukilani ma Whangarei.

O le auala fou lenei o le four-lane expressway ma o se tasi o auala i lalo o le polokalame a le Roads of National Significance mo Northland. 

Ua faamaonia mai e le minisita o fela’ua’iga Simeon Brown ananafi o lea ua amata galuega ma o se auala o le a fau i luga ane o le Brynderwyn Hills fou lea lava e fai ma tapunia ona o le ma’ale’ale i taimi e loulouā ai le tau. 

O se tala fiafia tele i tagata Northland faapea pisinisi e pei ona faatusatusa ai e i latou nei le tele o le suiga mo Hamilton ona o le faalautele o auala i le va ma Aukilani. 

O fuafuaga ua faataatia nei mo lenei galuega o loo vaevaeina i vaega e tolu – fai muamua Warkworth agai i Te Hana, a uma ona fai Te Hana ona agai lea i Marsden, ma faauma ai loa mai le uafu i Marsden agai i Whangarei. 

O feoa’iga nei agai atu i Matu o le atunuu na sau ai le lipoti i le tausaga talu ai o le faaleleia o feoa’iga i le va o Warkworth ma Wellsford e siitia ai le GDP, Gross Domestic Product i le tausaga i le $497 miliona. 

Puna o Faamatalaga: http://Transport Minister announces four-lane highway from Auckland to Whangārei | RNZ News