O le totino e feagai ma le faafoeina o le lakapi i Aferika i Saute ua faia sa latou faamatalaga e uiga i le tulaga na tula’i mai i le taimi na faia ai le haka a le All Blacks i le la taaloga talu ai ma le Springboks.

O le Ofisa Sili o le SA Rugby, Rian Oberholzer na ia faatoese i tulaga sa tula’i mai i le malae sa faalavelavegia ai le faia o le haka a le All Blacks i le taaloga i Ellis Park.

Fai mai le Ofisa Sili ua mae’a ona faatoese faafesaga’i ma le ‘au ma ua tusi mai foi i le NZRFU e faailoa mai le lagona lava lea e tasi i le tulaga na tula’i mai i le tāina ane o se musika aemaise o le vaalele na aga’i ane i luga tonu o le stadium i le taimi lea a o faatino le haka, fai mai le Ofisa Sili o le sese o le tagata ae lē o se mea na fuafuaina.

Saunoa le Ofisa Sili e pele ia i latou tu ma masani o le taaloga ma o le a faamautinoa e lē toe tula’i mai lea tulaga.

Ua faailoa i le RNZ se faamatalaga a le faia’oga lagolago o le All Blacks, Jason Ryan e faapea ua taliaina e le ‘au lea faatoesega.

O le isi fetauiga e sosoo ai a le All Blacks ma le Springboks o le Aso Sa o muamua i le DHL Stadium i Cape Town.

Puna o Faamatalaga: https://www.rnz.co.nz/news/sport/526862/south-africa-rugby-apologises-for-ellis-park-haka-interference