Ua folafola e le premier o Niu Sau uelese, Dominic Perrottet le fuafuaga mo le toe amata ai o aoga a le setete ile vaiaso nei. I lalo o lea fuafuaga ua manaomia ai tamaiti aoga uma ia faia talifofoga ma manaomia foi faiaoga ma tamaiti aoga ina ia faia siaki tai lua rapid antigen tests ile vaiaso mo vaiaso e fa muamua o le aoga.

Fai mai le premier e taua tele lenei fuafuaga mo le toe a’e o aoga a le fanau ise tulaga saogalemu. O loo faamalosia foi le faia o talifofoga mo tamaiti amata mai I le tausaga tolu agai I luga. O tagata asiasi atu I aoga o le a faatapulaa le aofai ma o le a faatulaga fuafuaga saogalemu uma tau le koviti ia faamautuina o loo saogalemu le fanau.

O le a faauau pea le faia o taaloga, musika ma camps a aoga ae faatulaga foi puipuiga mai le faamai. Fai mai le ofisa sili o le soifua maloloina ile setete Dr Kerry Chant e ono pepesi le faamai I aoga pe afai ae toe amatalia ma ua talosagaina foi matua ina ia fesoasoani ane I lenei taumafaiga.

Fai mai o le a faia siaki ae lei oo I le uluai aso e toe a’e ai aoga ma o le a tuuina foi faiaoga I le lisi o tagata faigaluega  e tatau lava ona faatino o latou tiute poo essential workers. Taua I nisi lipoti o loo iai matua o loo popole I lenei fuafuaga.