E 9 isi cases fou o le delta variant ua faamaonia mai e le matagaluega o le soifua maloloina I le aso ma o I latou uma ia o loo I Aukilani.
O le faatonu o le Soifua Maloloina lautele, Dr Caroline McElnay sa ia faalauiloa mai lipoti aupito lata mai o le faamai I le feiloaiga ma tusitala I le aso faatasi ai ma le sui palemia Grant Robertson,,
Ua oo atu I le 1131 le aofai o tagata ua aafia talu ona toe pepesi le faamai ae ua toe faasolo manuia le tusa ma le 902 oi latou ia. Faamaonia mai foi e tasi leisi case mai tuaoi o le atunuu ma o I latou uma e toaiva ua aafia e iai sootaga ia I latou ua pesia muamua.
13 gasegase o loo iai pea i maota gasegase, toatolu o loo I le vaega tigaina. . O le pitonuu o Clover Park lea ua lipotia mai o loo mataituina pea ma e 1725 siaki na faia ai talu mai le aso Lua o le vaiaso nei ae o Upper Hauraki ua faamaonia e le o aafia uma I latou na faatalia iuga o siaki ma ua faamaonia foi e pei ona faailoa I lipoti o le a toe foi lea faaitu I lapataiga numera lua I le 11.59 I le aso toonai.
