O sauniga i le asō i Niu Sila mo le Ratana o le a maua ai le avanoa o le Palemia o Niu Sila e fesagai ai ma Maoli, o se faamatalaga lea mai se tasi o ta’ita’i Maoli ua lipotia i le RNZ.
O i latou e mulimulita’i i le Ratana Church lea e faaigoa o Morehu sa faapotopoto i se nofoaga i Whaganui e pei ona faia i tausaga ta’itasi e faamanatu le aso soifua o Tahupotiki Wiremu Ratana i le aso 25 o Ianuari.
E faamanatu ai le amataga o le tausaga faapolokiki ma e to’atele faipule ua aga’i atu e faailoa le faaaloalogia o lea foi faamoemoe.
Ua leva le sootaga a Ratana ma le vaega faaupufai a le Leipa ma o le a iai faatasi foi la le Palemia o Luxon ma le ta’ita’i o le Leipa Chris Hipkins ma sui o le NZ First faapea le Green, e na o le Act le pati e lē o auai i ia sauniga.
Na saunoa le Palemia o lana faamalosi mo le atunuu ina ia aga’i i luma ma faaaloalogia vaega o le treaty e ui e lē malilie faatasi uma tagata i se mataupu ae mafai lava ona taula’i i le sini ina ia faaleleia Niu Sila.
Puna o Faamatalaga: https://www.rnz.co.nz/news/alert-top/539833/watch-live-the-treaty-principles-bill-is-dead-winston-peters-tells-ratana
