O le alii lea o loo molia i le fasiotia o si tamaitai o Yanfei Bao e pei ona silafia e le toatele, ua tula’i mo le ulua’i taimi i le faamasinoga.
O le alii Saina o Tingiun Cao sa tula’i i le Faamasinoga Maualuga i Kalaiesetete i le asō e faaaogā ai le audio visual link ma e 53 tausaga le matua, na mua’i molia i le ave faamalosia o Yanfei ae toe suia moliaga i le fasioti tagata.
O loo ia teena moliaga ma ua toe faatulaga mai e le faamasinoga o le aso 21 o Oketopa le faamasinoga.
O si tamaitai faatau fale, real estate agent o Yanfei, e 44 tausaga o le soifua na tau sailia mai ia Iulai o le tausaga talu ai i Kalaiesetete ae o le aso 30 o Iulai o le tausaga nei na maua ai ni faamaumauga sa tuuina atu i le coroner o feagai ma le suesuega ma tapunia ai le suesuega a leoleo ae faatalia ai le i’uga o le faamasinoga o le alii ua molia nei.
Puna o Faamatalaga: https://www.rnz.co.nz/news/national/525968/alleged-killer-of-yanfei-bao-appears-in-court
