Ua toe tuu atu i tua aso e faagata ai le tatau ona faia o tui e lua o le Koviti mo tagata galulue i le soifua maloloina
O le Aso Toonai o le vaiaso nei, 30 o Oketopa lea na muai sau ai le faasilasilaga e tatau ona oo atu iai ua uma tui muamua o tagata galulue nei ae faagata i le aso muamua o Tesema le tui lona lua
Peitai o le suiga ua faia nei ua tuu atu i le aso 15 o Novema le tui muamua, ae aso muamua o Ianuari o le 2022 e tatau ona oo atu ai ua uma le tui lona lua
O se suiga ua tutusa ai nei tagata galulue a le soifua maloloina ma i latou o loo galulue i aoga
Saunoa le minisita o le Koviti, Chris Hipkins i le faaiuga o le vaiaso o se suiga ua faia fua i luga o faatalanoaga na faia
