Ole faamoemoe mo se maliega e femalagaai ai tagata ile va o Niu Sila ma Ausetalia I masina amata o lenei tausaga e foliga mai ua tauau ina mou atu.
O setete e tolu I le itu I sasae o le atunuu o Ausetalia e aofia ai Niu Sau Uelese, Vitoria ma Kuiniselani ua faamauina uma le maua ai o cases fou o le faamai I nai vaiaso na sei mavae atu nei.
O Brisbane na toe loka mo aso e tolu e oo mai I le aso ina ua faamaonia le maua o se tasi o tagata faigaluega kiligi ile vairusi o le koviti mai Peretania ma sa fealuai I le komiuniti ae ua aafia. I Niu Sau Uelese o loo faaauau pea ona aliae ai nisi o cases e aofia ai le tolu na faamauina ananafi. O Lona uiga o setete uma e tolu e toatele tagata niusila e faimalaga iai e aofia ai Sini, Melepone ma Brisbane o loo maua uma iai cases.
Ole tausaga na tea nei I lona faaiuga na faia ai se faamatalaga ale palemia o le atunuu e faatatau I se maliega o femalagaaiga ile va o atunuu e lua e ona tupu lea I le amataga o lenei tausaga peitai fua agai I le tulaga o iai nei tagata aafia I le koviti I totonu o setete ia e foliga mai e le o mautu ai se tulaga o sea fuafuaga.
Ole tele o isi tagata fou ua aafia I le koviti I Ausetalia e iai sootaga I tagata faimalaga mai setete I leisi setete ma ua tapunia ai ma nisi o tuaoi. O loo faatalia nei la se tala lata mai o lenei mataupu ae manatu nisi sa sologa lelei le faamanatuina o le kirisimasi male tausaga fou a niusila e aunoa ma ni vavao o le koviti mae sili ai le alualu ai faapea ma faatali I le tui puipui nai lo le tatala o faigamalaga faavaomalo ma lamatia ai ile toe pepesi atili o le vairusi.
