Ua taliaina nei e le Minisita o le Va i Fafo a Ausetalia, Penny Wong se valaaulia i le faatautoga o le Peresetene o Amerika, Donald Trump ma ua silasila iai o se avanoa tāua e faalautele ai sootaga i se taimi tāua.
O le a auai atu Wong i Uosigitone e auai i le sauniga lea i le aso 20 o le masina nei faatasi ma le amepasa o Ausetalia i Amerika, Kevin Rudd.
Fai mai Wong ua faagaeetia i le valaaulia ua maua mai ma o le ata manino lea o le malosi o le sootaga i le va o Ausetalia ma Amerika ae o se avanoa tāua foi e faatalanoa ai penefiti o le sootaga tau le tamaoaiga ma le puipuiga ma le malo tele.
O se tasi itu o loo ta’ua e ono una’ia e Wong a o iai i le faigamalaga, o le itu tau fefaataua’iga i le va o atunuu e lua.
Puna o Faamatalaga: https://www.9news.com.au/world/donald-trump-updates-penny-wong-accepts-invitation-to-inauguration/10443f67-9af8-46bf-a230-77eb092c462d
