E iai le avetaavale o loo su’e e leoleo e oo mai i le taimi nei, ina ua soso’a atu e lana taavale se isi taavale sa paka, soso’a ai le fale o se aiga i Illawong ma soso’a atu ai ma se isi taavale i se vaega maualuga i lea faaitu i Saute o Sini i le po anapo.
Ua lipotia e le 7News na taumafai atu leoleo e taofi le taavale o le Ford Ranger lanu ‘efu’efu sa feta’ua’ina le saosaoa ane i Alfords Point Rd i Menai poo le te’a o le ‘afa o le 12 i le vaveao analeila.
E lei tu le avetaavale ma o lea na faia ai loa tuliga ma leoleo agai i Illawong.
Na faato’ā tu le taavale ina ua soso’a atu ai ma taavale sa paka i le alatele, soso’a atu ai ma le faletaavale a se aiga ma faaletonu atu ai ma le isi taavale sa iai i lea taimi.
Na sola ese le avetaavale ae na o lana pasese e 25 tausaga na pu’e e leoleo.
O loo faaauau pea su’esu’ega a leoleo.
Puna o Faamatalaga: https://7news.com.au/news/sydney-police-chase-ends-with-car-smashing-into-house-another-off-a-cliff-in-illawong-c-15683127
