O fesoota’iga i luga o le api o foliga na tufa solo ai ata ma se video o se alii talavou ua maliu, a o molimauina e nisi o lona aiga i le maota gasegase na ave faanatinati iai mo togafitiga.
O lea ua faailoa e leoleo o loo faia iai a latou su’esu’ega i le mafuaaga tonu o le maliu o lea taulealea ua 27 tausaga o lona soifua.
E tele faamatalaga i le mafuaaga e pei o ni masalosaloga e faapea na ave e se tagata se vailaau oona i le fagupia a lē ua maliu.
Peitai e faato’ā iloa tonu le mafuaaga pe a mae’a su’esu’ega ma faia foi le ta’otoga faapitoa e faamautū ai le mafuaaga tonu o le maliu.
