Ua faalēaogāina e le Palemene le Fair Pay Agreements poo maliega e faatatau i totogi talafeagai.
Fai mai le RNZ ua pasia e le Palemene le tulafono e faalēaogāina ai Maliega lea i lona faitauga faatolu.
O le faigamalo talu ai a le Leipa na o latou pasia le tulafono e faataga ai ia maliega, lea sa agai sa’o i le faatagaina o iuni ma asosi a falefaigaluega e finau mo latou i tulaga o galuega.
Na amata faamamalu lea i le masina o Tesema i le tausaga talu ai ae lei iai lava ni maliega ua faataunuuina.
O lea la ua pasia le pili e faalēaogā ai le maliega lea i lona faitauga faatolu i le Palemene ma o loo lagolago iai le National, ACT ma le NZ First.
O loo tetee le Leipa, Greens ma le Te Pati Maori i le gaioiga ua faatino nei.
