E lē na o pisinisi lea o loo mafatia i le taugata o le tau o loo totogi mo le eletise, e faapea foi puleganuu.
I se faamaoniga mai le puleganuu a Wairoa ua alu i luga i le 40% le tau na totogi mo le eletise i totonu o le tolu masina talu ai.
Na ta’ua e le pulenuu ia Craig Little o lea e faalagolago Wairoa i pamu e ola i le eletise e maua mai ai le suavai, ma o afi o loo faaaogāina i pamu nei e fai lava si tele o le eletise o loo moomia ai.
A o maitauina ai e le puleganuu le sii o le tau o loo totogi mo le eletise, o loo iai foi lona popolega i le ono aafia ai o pisinisi nei o loo faalagolago atu i le puleganuu mo le eletise.
Ua fai mai ai le pulenuu o lona mana’oga ia faia e le malo se fesoasoani e unai ai tagata faapea pisinisi e faapipii panels mo solar power e fesoasoani ai i le taugata o le eletise ua iai nei.
Puna o Faamatalaga: Council’s energy costs up 40%: ‘It’s pretty scary across the country’ | RNZ News
