Ua pasia i le asō i le Palemene a Ausetalia se faiga fou o le a totogi ai le super mo mātua e ave livi faamātua.
O totogi o super o le a faaopoopo atu i le totogi o livi faamātua ia i lalo o le faigamalo a Albanese, fai mai ua toe faafoi ai le faitau piliona o tupe i teugatupe mo le litaea o mātua.
O i latou e agavaa o mātua e fananau a latou pepe amata atu i le tausaga fou 2025.
O le a totogi le aofa’iga lea o le supa i le faai’uga o le tausaga faaletupe ma o le a otomeki lava ona tuuina sea vaegatupe i le supa account a le mātua ua mae’a faamaonia ane e totogi iai lana supa.
Fai mai le minisita o le matagaluega, Amanda Rishworth o le inivesi i ituaiga suiga nei e faamautinoa ai le maua e mātua o le fesoasoani faamātua e ala i livi aemaise foi o le faigofie ona fetuuna’i ma faamautū le taimi e mālōlō litaea ai.
Puna o Faamatalaga: https://www.9news.com.au/national/scheme-to-pay-mums-and-dads-superannuation-on-top-of-parental-leave-passed/9aa61200-7832-497e-8e00-c267dd3f4e68
