Na faalogoina le lūlū o se mafui’e i le faaitu o Kuiniselani i Matu i le po anapo ma ua faamauina e 4.4 le malosi i le fua mafui’e.

Ua lipotia mai e i latou e aumau i lea faaitu poo le ‘afa o le 9 i le po anapo na faalogoina ai le mafui’e lea i Townsville ma faalogoina foi i nisi o faaitu o Cairns ma South Mackay.

O le mafui’e na faamauina i le 17 kilomita mai Townsville ma lona loloto e 10 kilomita e pei ona faamauina e le Geoscience Australia.

Fai mai molimau a nisi na faalogoina le pa’ō leotele i le taimi lea ma fai mai le to’atele e fai si malosi o le mafui’e.

E lē o iai ni lipoti o ni mea na faaleagaina ae ua fautuaina e ono faalogoina pea aftershocks.

Faamaonia e leai se lapata’iga o se tsunami ae o loo talitali foi tagata i lea faaitu i le tulaga o le a iai le afā o Alfred lea ua ta’ua le oo o lona malosi i le Vaega 2 poo le Category 2.

Puna o Faamatalaga: https://www.9news.com.au/national/queensland-news-townsville-earthquake-tremors-felt-as-far-as-cairns/5ab349a9-d65c-432b-a45d-ad14973a49ae