Ua tapa e le suetusi sili le matagaluega a le Social Development e toe silasila totoa I pisinisi sa le tatau ona o latou mauaina le fesoasoani a le malo mo totogi I taimi o le Koviti, le wage subsidy
O le fesoasoani lenei a le malo tauala mai I le wage subsidy na alu ai le $13.3 piliona ma na ofoina mai e faatumau ai le tele o galuega ina nei maumau I taimi na tapu pe na lockdown ai le atunuu I le tausaga talu ai
O le tausaga ua alu na amata iloilo ai e le suetusi sili lenei fesoasoani ma o le aso ananafi lea na sau ai I tua le ripoti o nei suesuega, ma ua faailoa ai e le suetusi sili e tatau I le matagaluega ona faaauau ana iloiloga
O le wage subsidy o le fesoasoani aupito I taugata lea a le malo na tuuina mai I le taimi o le Koviti, lea e iai le aso na totogi ai le $1.8 piliona ae 70,000 talosaga na tauaao I totonu o le 2 itula
Saunoa ai le minisita o le matagaluega, Carmel Sepuloni, o lenei fesoasoani na tele lava ina faia fua I luga o faaupuga ma faamatalaga mai pisinisi ma tagata faigaluega, peitai o le popolega o le suetusi sili o le maualuga o le taufaasese e ono ofi mai ai
Ua sau ai ma le fautuaga a le suetusi sili e tatau I le matagaluega ona tapa faamaoniga tusitusia mai ia I latou uma na talosaga
