E iai le avanoa o le a agai ai tagata sa lagolagoina Leo Molloy ia Faanana Efeso Collins.
O le faamuta ai o le tamo’ega a Molloy mo le tofi pulenuu a Aukilani ona o se faai’uga ua faia ina ua sau le taunuuga o le palota a le Ratepayers Alliance-Curia poll ua pa’ū mai le tulaga lua sa iai ia Iulai i le tulaga tolu.
O le i’uga o lea palota i le vaiaso talu ai, Efeso Collins i le tulaga muamua e 22%, Wayne Brown 19% i le tulaga lua ma le lona tolu o Molloy e 15%.
O se faai’uga e le’i fiafia ai le sui ua faavaivai ma e faapea e na te le’i mafaufauina foi ma i lana silasila iai e lē mafai ona malo i le tofi pulenuu i le taimi nei.
Ae mai le alii polofesa ia Grant Duncan, e ui e lē o manino poo ai le sui tauva o le a lagolago e Molloy i lana ia vaai o le a maua ai nei e Faanana isi palota a Molloy ona o vaega tutusa o loo finauina e i laua nei.
E ui ua faavaivai Molloy, ae o loo malosi lona loto e mafai ona toe tauva i le 2025.
Faasilasilaga a le afioaga a Sapunaoa Falealili
0 O le a fata ia I mauga ma le faasauga o ao ma le atu folasa aua e faigata
