O le a lē toe faia e minisita le faai’uga mulimuli o poloketi tetele ua ta’ua o fast-track projects, peitai o lea o le a faia e le laulau a fono a tagata suesue faapitoa.
O suiga nei e aloa’ia pe a uma teuteuga o le pili ua ta’ua o le Fast-track Approvals Bill lea ua faamautinoa mai foi e le malo e 384 poloketi ua faatalosagaina.
O le tele o poloketi nei e faapea e 40% e mo fale ma le atina’eina o taulaga.
O se laasaga ua oo iai i le mae’a ioeina e le Kapeneta o suiga e lima aga’i i le komiti filifilia e gafa ma iloiloga o tulafono tau i le siosiomaga, ma e ese mai isi suiga o le suiga tele o loo sau ai o le lē toe faia lea e minisita o le faai’uga mulimuli o poloketi tetele nei.
I le taimi nei o lea e faia lava e le minisita le faai’uga mulimuli e tusa lava pe lei ioeina mai e le panel a tagata suesue faapitoa.
I saunoaga a le minisita ia Chris Bishop ananafi na ia ta’ua ai, o se faiga o le a faapaleni ai poloketi tetele, faamalieina le tulafono atoa ai ma le talitonuina e tagata lautele e amiotonu le faagaioiga o le talosaga ma le faai’uga ua aumai.
Puna o Faamatalaga: Fast-track bill: Govt makes big changes, nearly 400 applicants (1news.co.nz)
