O le koronavairusi ua faamatilatila ai ma le manaoga mo le fausia o ni agavaa e patino I le faia o suesuega e faatatau i faama’i pepesi, o le finagalo faaalia lea o se tasi o tagata pasefika e lava le silafia I tulaga tau le soifua maloloina.
Fa tausaga talu ona maea ona sainia le maliega o le memorandum of understanding I le va o le Iunivesite aoao a Fiti ma le Iunivesite a Otago, ao lea ua amata ona tino mai se nofoaga autu mo suesuega.
Lipotia I le RNZ Pacific ile vaiaso nei o le Nofoaga lea mo suesuega faatatau I faamai pipisi , Communicable Disease Research Centre I Suva o loo lagolagoina e se vaega mai le Iunivesite o Otago, le Mercy Hospital I Dunedin ma le FNU.
Taua e le o loo taulamua I lenei taumafaiga o Donald Wilson o le epidemiologist a Fiti, o lea nofoaga o le a fesoasoani tele I tulaga o suesuega ile pasefika ma e iai foi ona sootaga ma faiga faapaaga ma isi nofoaga suesue ma institutions mai vaega eseese o le lalolagi.
Na faaioa foi e le sui mai le Mercy Hospital Rev Alofa Lale o lea nofoaga o le a maua ai se avanoa e faamalosia atili ai le galulue faatasi I le itulagi lea mo le faaleleia o avanoa tau le soifua maloloina e fesoasoani ai I tagata pasefika.
O Polofesa Philip Hill mai le Iuivesite o Otago ua filifilia e avea ma faaulu I lea nofoaga fou pe a maea fausia.
