E fā tino maliliu ua maua ane mai le vaa e feavea’i ai tulisi lea sa magoto i le gataifale o Aikupito i le Red Sea ae to’afitu isi o loo tau sa’ilia pea.

Fai mai le lipoti lata mai o loo faaauau su’esu’ega ae e to’alima isi tagata na maua o soifua pea e to’alua tulisi mai Belgium, tasi le Swiss, tasi le Finland ma le Aikupito e to’atasi ma ua atoa iai le to’a 33 o tagata ua lavea’iina mai lea vaa.

O le Sea Story le igoa o le vaa na sa’e i le Aso Gafua o le vaiaso nei e lata i le Sataya Reef a o ave atu ai tulisi e 31 ma le aufaigaluega e to’a 13.

Na aafia le vaa i galu maualuluga ma sa’e ai ae faato’ā amata le faigamalaga.

Na lavea’iina mai tagata e to’a 28 i le taimi lea e feololo manu’aga ae faaauau pea le sa’iliga o isi lea la ua ta’ua mai i le lipoti aupito lata mai e to’afā isi tino maliliu ua maua.

O le lua ai lea o vaa ua sa’e i le ogasami lava lea, o le isi vaa na sa’e ia Iuni o le tausaga nei ae le’i iai ni soifua na ma’umau.

O le to’atele o tulisi ma tagata tafafao atu i Aikupito e fiafia e aga’i i le faaitu lea mo maimoaga ona o se tasi lea o matafaioi o loo fesoasoani tele i le tamaoaiga o le atunuu.

Puna o Faamatalaga: https://edition.cnn.com/2024/11/26/africa/red-sea-tourist-boat-bodies-found-intl/index.html