Ua faia sā o mea faapāpā i nisi o vaega o le South Island mo taimi o totoe o le summer.

O le så ua faia nei e le vaega o le tineimu ua faia lea ona o le ono tula’i mai o se mu mai mea faapāpā poo fireworks, ma e patino lava lea i Mackenzie Basin ma Ashburton.

O le tau mafanafana ma le mātūtū ua iai nei i vaega nei o le South Island, ua faigofie ai lava ona lamatia ma o le sā ua faia foi e faato’ā uma i le aso 31 o Mati o le tausaga fou.

A o le’i faia le sā ua iai nei, o le vaiaso talu ai na faia ai tapu a le Mid-South Canterbury lea ua faasā ai foi faia se afi i nofoaga taalaelae e aunoa ma se pemita mai le ofisa o le tineimu.

Ua sau ma le fautuaga i soo se tasi i totonu o Niu Sila afai o mafaufau e faia se afi i fafo, e fautuaina le aga’i i le upega tafa’ilagi a le checkitsalright.nz e iloa ai poo iai ni sā pe leai.

Puna o Faamatalaga: Fireworks ban in place for parts of South Island for summer months | Stuff