E silia ma le $370 afe se vaegatupe ua faatonuina le TabCorp e tatau ona o latou totogi ona o lo latou lē taofia o ni tamaiti mai le pele tupe i nisi o nofoaga i Vitoria.
Na ioeina e le TabCorp moliaga e 43 i le faamasinoga i Melepone, fai mai na maua e le Komisi e feagai ma su’esu’ega i taaloga faitupe, na maua se tamaitiiti 17 tausaga o pele tupe i nofoaga a le TabCorp i le va o Me 2022 ma Oketopa o le tausaga na te’a nei.
Ua ta’utino ai le kamupani i lo latou lē mafai ona taofia o lea tulaga ma le lē lelei o le vaaia o ia nofoaga, ma faatonu ai loa e le faamasinoga e totogi le silia ma le $370 afe ae o le faasalaga aupito maualuga o ituaiga solitulafono ia e oo atu lava i le lata i le $700 afe.
Puna o Faamatalaga: https://www.9news.com.au/national/tabcorp-ordered-to-pay-370k-over-gambling-minor-in-victoria/61246f7c-c04c-4c69-8f68-b5e7b821b344
