O le iloiloga sa faatalitalia e le toatele e faaatatau i le totogi mo le faaaogāina o auala i Sini ua faailoa mai ai i le vaiaso nei le valaau ai i le malo ina ia faaitiitia ia totogi poo tolls.

O le Independent Toll Review sa faatautaia e lē sa avea ma ta’ita’ifono i le ACCC o Alan Fels, ua tuuina aloaia atu nei i le malo.

I le faatulagana la ua fautuaina atu i lea iloiloga o le a totogi ai e le au faitaavale se totogi i le kilomita ma o le a faasolo ina faaitiitia lea totogi e fua i le tele o kilomita o loo faimalaga ai.

O lona uiga mo se faataitaiga o se malaga ane mai Penrith poo Paramatta agai i le aai i Sini e ono faaitiitia mai ai le $5 i le alu ma le sau ae o faigamalaga mai Campbelltown e ono faaitiitia i le silia ma le $13.

Fai mai le ta’ita’ifono o le iloiloga o Tolls i Sini ua taugata tele ma ua avea o se isi avega faaopoopo mo le au faitaavale.

Puna o Faamatalaga: https://www.abc.net.au/news/2024-07-16/sydney-toll-inquiry-calls-for-two-way-toll-across-sydney-harbour/104101766