Ua iai le tagata ua pu’eina e leoleo i le mataupu e faatatau i le keke Kerisimasi na onanā ai ma maliliu tagata e to’atolu ma taofia ai i le falema’i le isi to’atolu.
O le faalavelave na tula’i mai i le aai o Torres i le itu i Saute o Rio Grande.
Ua faamanino mai e leoleo o lē ua pu’eina o se afafine faaletulafono poo le daughter in law o se tasi o tinā ua maliu.
Fai mai leoleo e to’afitu tagata sa i totonu o le potu i le taimi na ‘ai ai le keke ae to’atasi e le’i tagofia le keke ma ua molia nei i moliaga e tolu e faatatau i ē ua maliliu.
Na ta’ua e leoleo na maua i tino maliliu o ē ua aafia le arsenic ma o le mafua’aga foi lea o le maliliu.
Ua faamaonia foi e leoleo na maua o le poison sa palu faatasi ma le falaoamata na fai ai le keke.
Puna o Faamatalaga: https://edition.cnn.com/2025/01/06/americas/relative-arrested-brazil-christmas-cake-poisoning-intl-scli/index.html
