O Togamataimoana Vaea 35 tausaga o lona matua, o le avepasi lea o le pasi o le Laumosooi na lavea i Malifa i ni vaiaso e lei mamao tele atu, lea e toalua na maliliu ai, ae manunu’a le 31 o le pasese.
Ua faailoa ia vaega i faamaumauga a leoleo ua tuuina atu i le faamasinoga maualuga ina ua valaau moliaga o Togamataimoana i le Aso Gafua o lenei vaiaso.
E lua ona moliaga o le fasioti tagata paivalea e mafua i se faalavelave tau taavale poo le motor manslaughter, lua moliaga o le ave taavale faatamala ua oo ai le maliu i ni tagata se toalua, 31 moliaga o le ave taavale faatamala ua manunu’a ai le pasese e 31, tasi le moliaga o le ave taavale lē faautauta i luga o le auala tele, ma le moliaga e tasi o le tauaveina o se taavale e lei laiseneina faaletulafono.
E lei tuuina atu se tali a lē ua molia ona o loo tau faamae’a mai tapenaga a le itu a leoleo.
