Search
Photo: MNRE

Faatino se faigapaaga e ao ma aveese ai ma Samoa otaota tau masini faatekonolosi

O le lagolago a Samoa i taumafaiga uma mo le puipuia lelei o le tatou siosiomaga mai aafiaga o otaota lafoai faapei o masini faatekonolosi ua lē toe faaaogāina, ua osi feagaiga ai nei le kamupani Niu Sila o le Blue Orca New Zealand ma le Matagaluega o Puna’oa Faalenatura ma le Siosiomaga i le faatinoina o se galuega tāua tele o le aoina ma le aveesea ma Samoa o ia ituaiga o otaota e pei o masini computers, TV ua lē toe faaaogāina ma telefoni o le ituaiga o le smartphone.

MNRE

O lea faiga paaga ua aiaia ai i se autasiga ua mae’a ona sainia poo se memorandum of understanding ni aiaiga ua malilie iai lea kamupani ma le matagaluega o puna’oa faalenatura ma siosiomaga e faatino ai le aoina o ia otaota ma faia tapenaga mo le aveesea ma Samoa.

O se galuega e pei ona faailoa i se pepa o faamatalaga o le a faamautu ai le galulue faatasi o ia itutino e lua i le faamamāina o le siosiomaga o le tatou atunuu mai le lafoa’i solo o ia otaota tau masini faatekonolosi.

E lima tausaga le umi o le faigapaaga ua lagolago malosi e le kamupani o le Samsung o se tasi o kamupani tele i le lalolagi o loo gaosia masini faatekonolosi e pei o comuters, TV flat screen ma telefoni feaveai o le ituaiga o le smartphone.

Tala sili ona faitaulia

Tala sili ona faitaulia

Tala sili ona faitaulia

Tala sili ona faitaulia

Tala sili ona faitaulia

Tala sili ona faitaulia

Tala sili ona faitaulia

Tala sili ona faitaulia

Tala sili ona faitaulia

Keep uptodate with Radio Samoa activity & promotion

* indicates required