Ua avea nei se tasi o tama’ita’i faamasino sa galue i le Faamasinoga Faaitumalo e avea ma sui faamasino o le Faamasinoga Maualuga o Fanua ma Suafa.
O le faamasinoga lea o talosaga toe iloilo poo le faamasinoga apili e su’esu’eina ai ni faai’uga a le Faamasinoga o Fanua ma Suafa.
O le Aso Lulu o lenei vaiaso na faatautō ai le afioga i le tama’ita’i faamasino i luma o le afioga i le Ao Mamalu o le Malo le afioga Tuimalealiifano Vaaleto’a Sualauvi II i se sauniga na faia i le maota o le Ao o le Malo i Vailele.
Se vaega o le saunoaga a le afioga i le tama’ita’i sui faamasino o le Faamasinoga Maualuga o Fanua ma Suafa, afioga Alalatoa Rosella Viane Papalii.
O Mati o le tausaga e 2017 na faatautō ai le afioga Alalatoa Rosella a o galue faaloia e avea ma Faamasino o le Faamasinoga Faaitumalo a Samoa.
