E to’alua ua vaelua iai le faailoga tupe e 100 miliona o le taaloga o le powerball i le po anapo.
Faamaonia mai e le ofisa o le taaloga e ta’i 50miliona a le tagata, o le isi ua faamanuiaina o se ulugalii mai Rockhampton i Kuiniselani ma le isi e mai Melepone e le’i lesitala i le taaloga o lona uiga se’iloga lava e aga’i e siaki le pepa faato’ā iloa o ia ua mālō.
O le pepa mālō mai Melepone sa faatau i le Tatts Outlet i le faaitu o Darebin.
Fai mai le ofisa na matua’i faate’ia le ulugalii mai Kuiniselani ina ua valaau iai le ofisa e faailoa o i laua ua mālō i le isi faailoga.
O le la molimau o numera lava ia e ave i vaiaso uma ma e lē taumate o le a ese le Kerisimasi a lo latou aiga i lenei tausaga.
O le faleoloa o le Card n Paper i le itu i Matu o Rockhampton na faatau ai le la pepa ma ua atoa ai le 10 o tagata ua mālō mai le faleoloa i faailoga muamua o le lotto.
Puna o Faamatalaga: https://www.9news.com.au/national/powerball-to-reach-100-million-dollar-jackpot-tonight-draw/6c27240a-2e80-4a22-ba91-a8cd99ca8a25
