Ua faamaonia mai e le Meridian Energy, o lea o loo vaavaai e vāea nisi o lana aufaigaluega.
O lālā a le Powership ma le Meridian lea o loo fuafua e aafia ai, ma e faapea e tusa ma le 8% o le aufaigaluega lea o le a o.
O se toe fetuuna’iga o le aufaigaluega ua fai mai ai le kamupani e lē gata o galuega ua leva ona iai ae faapea foi avanoa faigaluega fou.
O lea ua tatala le avanoa i tagata faigaluega a le Meridian, ma o le aso 8 o Oketopa lea e faamuta ai faamoemoe e maua mai se tala mausalī i le faai’uga lava o Oketopa.
O le Meridian Energy o lea na faailoa mai i le masina o Aokuso lana polofiti e $429 miliona, e tusa lea ua faafāina le maualuga pe a faatusa i le tausaga talu ai.
