Ua faataga e le peresetene o Amerika o iai nei, Joe Biden le faaaogāina e Ukraine o auupega alualumamao poo long range weapons i totonu o Lusia e pei ona faailoa mai e nisi o sui mai le malo o Amerika i le CNN.
O le asō foi lea ua lipotia e taunuu atu ai isi fitafita a Korea i Matu e fesoasoani i le fitafita a Lusia i le taua lava lea ma Ukraine.
Fai mai ua toeitiiti 50 afe fitafita a Lusia ua ave ane i le itu i Saute o le atunuu lea o feta’ua’ina le latalata atu iai ma fitafita a Ukraine.
O a’upega la ia ua faataga nei e Amerika lona faaaogāina ua fuafua e faaaogā i le faaitu o Kursk, fai mai le lipoti o le fuafuaga ina ia fesoasoani ia Ukraine e taofimau pea i le faaitu lea i le umi e mafai ai.
E faitau afe fitafita a Korea i Matu ua ave ane i le faaitu lea e fesoasoani ai ia Lusia.
O le faai’uga i le taimi ua sola na taofia ai e Amerika le faaaogā e Ukraine o ituaiga meatau ia ona o le popolega ne’i faatetele ai le vevesi peitai la o lea ua tuu ane le faatagana.
O a’upega e pei ona ta’ua o loo ave ane mai Amerika.Ua tele taimi ua fai ai faamatalaga a le Peresetene filifilia ua iai nei, Donald Trump ana faapea o ia lea sa ta’ita’i’au i le vaitau na amata ane ai le taua a Ukraine ma Lusia e lē taitai taunuu sea tulaga.
Puna o Faamatalaga: https://edition.cnn.com/2024/11/17/europe/analysis-biden-atacms-ukraine-intl-latam/index.html
