Ua faamaonia mai e leoleo ua toe maua ma o loo manuia uma le tama ma lana fanau e toatolu sa lipotia atu foi I talafou le tau sailia I le tusa ma le 20 aso talu ai.

O le tama o Tom Phillips ma lana fanau e toatolu o Jayda Jin e 8 tausaga, Maverick e 6 tausaga ma Ember e 5 tausaga na maua ile taeao analeila I Marakopa lava.

Fai mai leoleo o se taimi o le aoauli nei o le a tuuina mai ai sa latou lipoti e tusa o lenei mataupu ae o le aso 24 o le masina nei na faamuta ai le sailiga a leoleo I le aiga lea ina ua fiu e saili e le iai lava nisi faamatalaga na maua.

O le au suesue a leoleo na agai I faaitu e pei o Kiritehere ma Marokopa talu ona lipotia mai le mataupu lea I le aso 13 o Setema ina ua maua nao le taavale a le aiga I le matafaga i Kiritehere ae fiu e saili e lei iai nisi.

Fai mai le toatele o le itu e faafetaia ai o loo ua toe maua ma o loo manuia uma aemaise I nai fanau.