Ua faailoa manino e Isaraelu i le BBC ua amata nei ana osofa’iga i Lepanona i le mae’a o se faasilasilaga mai le Palemia o le atunuu, Benjamin Netanyahu, o le a faalautele gaioiga a Isaraelu faasaga i le Hezbollah.
Fai mai le vaega o le puipuiga a Isaraelu le IDF ua faia nei a latou osofa’iga faasaga i le Hezbollah i le Bekaa Valley i le itu i Sasa’e o Lepanona ma isi vaega o le atunuu.
Ua faailoa e le Hezbollah ua tali atu i ia gaioiga e ala i le faia foi o a latou osofa’iga aga’i i fitafita Isaraelu ma faaaogāina ai drones ma loketi.
I se video na pu’eina a Netanyahu ua ia faailoa ai ua tau nei ma le Hezbollah ma ua silia ma le 600 le ‘aufaatupu faalavelave ua aveesea.
Na ia ta’ua o le mea o loo mana’omia o le faaopoopo o osofa’iga.
Ua valaau le Peresetene o Lepanona o Joseph Aoun ina ia aga’i ese uma Isaraelu mai le itu i Saute o Lepanona.
Puna o Faamatalaga: https://www.bbc.com/news/articles/cewppdk1187o
