Ua ta’ua i lipoti aupito lata mai a le CNN sa faatino e le militeli a Amerika osofa’iga tau le puipuiga e taula’i i nofoaga e fana a’e ai ‘au’upega fana mamao poo missiles a Iran atoa ai ma vaa faataamilo i le Strait of Hormuz.
O ia faamatalaga e maua ane mai le nofoaga faatonutonu autū a Amerika ae o loo faaauau pea talanoaga e faatatau i le faamae’aina o le taua.
Fai mai lipoti i se taimi ua tuana’i sa faailoa ai e le failautusi o le malo tele, Marco Rubio, o loo galulue Amerika ma Iran i se maliega ae ua faailoa foi e isi sui o Amerika o le matāupu lava i le polokalame faaniukilia a Iran atoa ma isi sā o loo aofia ai, lea o loo faaumiumi ai le faamae’aina o le maliega.
Ua faailoa ane e Isaraelu o loo sauni nei e faalautele ana gaioiga i Lepanona i le aga’i atu i le lumana’i ma o loo galulue faatasi ai ma le malo tele.
O loo ta’ua la i lipoti o osofa’iga a Ameriika o loo faia e mo le puipuiga o i latou lava pe afai ae osofa’ia ane mai nei nofoaga a Iran.
Puna o Faamatalaga: https://edition.cnn.com/2026/05/25/world/live-news/iran-war-us-peace-deal
