Ua amata nei tapenaga ma sauniuniga i le silia ma le afe (1000) o se ‘aualovaa mo le su’egasiamupini o alogavaa ua faaigoaina o le Aotearoa Waka Ama Champs.

I le tau sa’ilia ai o so latou avanoa mo le su’egasiamupini i le lalolagi e faia i Brazil i se taimi o lenei tausaga. 

I lipoti o lenei faaagatama i le tai, o le a omai faatasi ai le 1050 o tagata alova’a mai kalapu e 59 o le atunuu, ma o le a faatautaia lea i ogasami o Porirua. 

Ua faaalia e le faauluuluga o le Waka Ama Niu Sila, Lara Collins e eseese lava itu e faatino ai lenei faagatama i le tai i tausaga uma, ina ia maua e le ‘aualovaa le avanoa e alo ai i ogasami o le atunuu. 

E eseese vaega o le taamilosaga o lenei taaloga, e pei ona iai le oo atu i le 8 kilomita, 16 kilomita ma le 24 kilomita le mamao o le fua faataatia o le faatino ai o le alogavaa. 

E amata faatautaia lea su’egasiamupini i le Aso Tofi 24 o Aperila agai i le Aso Sa 27 o Aperila i Porirua Ueligitone.

Puna o Faamatalaga: https://www.rnz.co.nz/news/sport/558797/aotearoa-waka-ama-champs-set-for-porirua