I le silia ma le tausaga e lē o toe maua ni faamanuiaga tau totogi ma alauni o sui faipule o itumalo o Lepa ma Faleata 3, ua faailoa mai e le Minisita o le ofisa o le fono aoao faitulafono le afioga Toelupe Poumulinuku Onesemo le mae’a faia ai o se faaiuga a le Kapeneta, o le a toe maua ai ia faamanuiaga sa motusia ina ua faatino le faasalaga o le faamalolo lē tumau o ia sui usufono e toalua.

E lē o mautinoa poo le toe maua o totogi o ia faipule ua aofia ai taimi o le faasalaga muamua ma le faasalaga lua tausaga lea na mae’a  le iva masina ae aumai le isi faaiuga a le faamasinoga e soli faavae.

O le iuga lea o loo toe apili e le Fofoga Fetalai ma le Palemene.