O loo tumau le tetee e le to’atele o tagata Rotorua ia aua ne’i toe faaopoopo le isi tausaga e faaauau ai le konekarate ma le malo e faaaogāina ai faletalitmalo e 7 mo emergency housing.
O lea ua tolu aso o saofa’i le Komesina tuto’atasi ia David Hill e faalogologo i finagalo faaalia o tagata Rotorua.
O le to’atele o tagata Rotorua e ala ona leai ona o le tele o le aafiaga o i latou mai tagata nei e avatu e faanonofo i faletalimalo nei.
Mai le 176 na faaali finagalo, e na o le to’atasi o loo ia lagolagoina le faaauau pea o lenei konekarate i Rotorua ona o le manatu alofa i tagata o loo moomia le fesoasoani.
O tagata nei e maua le fesoasoani e tauala atu i emergency housing, o le to’atele o lea ua nonofo i paka ma isi nofoaga ona ua leai ni fale.
Ua taatia nei le faai’uga i le Komesina, ma le faamoemoe e maua mai se tali e le’i ta le Kerisimasi.
Puna o Faamatalaga: Rotorua residents heard on extension of motels as emergency housing | RNZ News
