Ua tautino se tasi sa avea ma fetu pupula o le lakapi liki a Niu Sila, Manu Vatuvei I lona aumaia o le fualaau faasaina o le aisa ile atunuu.
Na tulai Vatuvei I luma o le faamasinoga faaitumalo I Manukau I le aso aua o le vaiaso lenei sa fuafua e faaauau ai lona faamasinoga I le mataupu lea sa molia ai I le aumaia o le aisa ma le sauniaina o le aisa mo le sapalai atu . Na pueina o ia I le masina o Novema 2019 ma molia ai.
Ua faailoa e le Radio NZ Pacific I le aso o le masina o Tesema o le a lauina ai le iuga o le mataupu lea ina ua tautino nei o ia I ona moliaga sa ia teena I se taimi ua sola.
Vatuvei ua 35 tausaga o le soifua ma sa lei manuia foi ana taumafaiga ia taofia le faailoaina faalauaitele o lona suafa I le mataupu lea.
I se taimi ua sola e pei ona faailoa I lipoti sa ia faailoa ai le tulaga o loo aafia ai I luga o le Instagram ma talosagaina ai le tausia pea o tulaga faatatau I si ona aiga ao feagai ai ma lenei mataupu.
