Ua saunoa se tasi o tamaitai taalo iloga a Niu Sila i le lakapi, Ruby Tui o le isi faaaloalo maualuga e fia ausia i le taaloga o le faafiafia o si ona faiaoga poo le coach.
O Tui sa aofia i le ‘au na manumalo i le Ipu o le Lalolagi i le lakapi a tamaitai ma maua foi lana pine auro i le taaloga i le Olimipeka ma o le a toe foi ane i le taamilosaga Super Rugby Aupiki i le masina nei i le mae’a o sana malologa mai lana konekarate i le tausaga talu ai na taalo ai mo le lakapi taitoafitu a tamaitai i Amerika.
Talu mai le 2022 na taalo ai Tui mo le Chiefs Manawa ma ua lipotia o i o loo iai lana taulaiga i le tausaga nei ma lona faamoemoega ia faatino se tulaga e mitamita ai si ona faiaoga o Coach Krystal Kaua ma lana ‘au ia te ia.
O le faaiuga o le vaiaso nei e amata ai le Super Rugby Aupiki a le itupa o tamaitai.
