Ua tapunia lē tumau e Vitoria Daycare Centres e 56 i lo latou faaitu a o su’esu’eina le uma o le ola o se pepe i se tasi o Daycare i le masina na te’a nei.

Ua lipotia e le 7News o le pepe na maua atu i le nofoaga lea o le Daycare e faia i se fale o se aiga i Balinga Drive i Skye i Melepone i le aso 19 o Fepuari.

Faailoa e le 7News e tele tuaoi na faalogoina le fe’ei mai o tagata i le fale lea a o le’i taunuu ane lea o le fesoasoani faavavave.

Fai mai leoleo i le lipoti lea e lē o silasila i lea mataupu o se tulaga masalomia le uma o le ola o le pepe ma o le Daycare na tupu ai le faalavelave o loo lesitala i lalo o le Bambini Child Care Services lea e tele foi ona lālā i isi vaega o Vitoria.

Ua tuuina mai ai loa ma le faatonuga mai le matāgaluega o a’oga a Vitoria ina ia tapunia uma centres faapea a o faia su’esu’ega i le mataupu.

Fai mai se sooupu a le matāgaluega o aoga o le uma o le ola o soo se tamaititi o se tulaga faigatā tele lea ma ua faaoo atu faamaisega i si aiga ma le komiuniti ma o le saogalemu o tamaiti e ave iai le latou faamuamua.

Ua faailoa e ono oo i le 12 masina le umi o le su’esu’ega ua faia ma o loo faatalia se faamatalaga mai le pulega o le daycare o loo aofia i lea mataupu.

Puna o Faamatalaga: https://7news.com.au/news/victorian-authorities-shut-down-56-daycare-centres-temporarily-after-infants-death-c-17949678