Ua iai le tagata ua maliu mai le faama’i o le Japanese Encephalitis poo le JE talu mai le 2022 lea e mafua mai i le namu.
O le tagata muamua lea ua ma’umau le soifua i lea faama’i ua faamauina i totonu o NIu Sa Uelese lea toeititi 3 tausaga.
O lē ua maliu o se tamā e 70 tausaga le matua na maliu i le falema’i i le amataga o le vaiaso ma sa tausia ai i le maota gasegase ma mata’itū e foma’i talu mai le amataga o le masina nei.
Na faailoa e sui mai le soifua mālōlōina o lē ua aafia e foliga sa aafia mai i le JE a o iai i sana tafaoga i Murrumbridge i le masina o Ianuari.
O le JE o se vairusi e mafai ona feavea’i e namu ma e mafai ona aafia ai tagata ma meaola, o loo iai se tuipuipui ua avanoa mo lea faama’i ma e mafai ona puipuia mai ai tagata e ala i le faaaogāina o le repellant, alofia le aga’i i fafo o le fale aemaise i taimi e malosi ai le namu i le afiafi ma le vaveao aemaise o le pupuni o faamalama ma faitoto’a e faaaogā ai screens.
Puna o Faamatalaga: https://7news.com.au/news/japanese-encephalitis-nsw-records-first-death-from-mosquito-borne-disease-in-almost-three-years-c-17843025
